Gikonsiderar sa gobyerno sa Pilipinas ang deklarasyon sa Court of Appeals sa US nga ang preperential global tariffs nga gipahamtang ni US President Donald Trump ilegal isip usa ka positibong lakang.
Matod ni Undersecretary Angela Ignacio sa Office of the Special Assistant to the President for Investment and Economic Affairs, bisan og welcome development kining maong desisyon, magpabilin gihapon kining epektibo hangtod sa Oktubre 14, samtang naghulat sa desisyon sa Korte Suprema sa US.
Siya miingon nga ang Pilipinas nagpadayon pa sa negosasyon uban sa Estados Unidos bahin sa gipahamtang nga 19% nga taripa sa mga produkto gikan sa nasud.
Tungod sa kasamtangan nga non-disclosure agreement, si Usec Ignacio ngdumili sa paghatag ug dugang detalye bahin sa negosasyon.
Apan, siya niinsistir nga ang Pilipinas wala mohunong sa hingpit nga pag-access sa merkado ngadto sa Estados Unidos, sukwahi sa posisyon sa pipila ka mga silingang nasud sa ASEAN.
