Giaprobahan sa Sangguniang Panlungsod sa Valencia atol sa ika-9 nga Regular Session ang resolusyon kansang nagtimaan sa mas lig-on ug lawom nga kampanya batok sa insurhensiya.
Kini human gisang-at ni Liga ng mga Barangay President Louie John Naiz ang Resolution No. 153-2025, isip suporta sa panawagan ni Mayor Amie Galario, nga pormal nga ideklarar ang Valencia City isip usa ka Insurgency-Free City, lakip ang Resolution No. 154-2025 nga nagdeklarar sa Communist Party of the Philippines – New People’s Army (CPP-NPA) isip Persona Non Grata sa dakbayan.
Hugot nga gisuportahan sa tanang miyembro sa 10th Sangguniang Panlungsod, nga gipangulohan ni Vice Mayor Greizl Galario-Fernandez, ang maong mga resolusyon nga gibase usab sa rekomendasyon sa City Peace and Order Council (CPOC).
Gitumbok nga wala nay presensya sa armadong grupo sa dakbayan sukad May 28, 2024. Dako usab og kabahiin ang pagka-dismantle sa Sub-Regional Sentro De Grabidad (SRSDG) Peddler sa North Central Mindanao Regional Committee (NCMRC) ug pagka-dissolve sa Weakened Guerilla Front 57 (WGF57) sa Southern Mindanao Regional Committee (SMRC).
Sa laing higayon, gipasiugdahan usab sa mga barangay sa dakbayan ang ilang hiniusang suporta uban sa 89th Infantry Battalion pinaagi sa simbolikong pagsunog sa bandila sa CPP-NPA, isip hugot nga pagsupak sa insurhensiya ug terorismo.
Kini nga mga deklarasyon bunga sa panaghiusa sa City Government, AFP, PNP, DILG, ug uban pang peace partner agencies ug stakeholders nga nagtinguha sa pagpalig-on sa kalinaw ug kahapsay sa dakbayan
Photo Courtesy: City Government of Valencia
