Mahimong mag-atubang og kasong sedition ang mga indibidwal nga nalambigit sa nga lihok protesta sa Metro Manila. Kini ang gibutyag ni DILG Secretary Jonvic Remulla kalabot sa mga indibidwal nga nasikop ug anaa na karon sa kustodiya sa Manila Police District (MPD) ug gipa-ubos sa interogasyon.
Niapelar si Palace Press Officer USec. Claire Castro kang Sec. Remulla ug Acting PNP Chief PLt.Gen. Jose Melencio Nartates aron tun-an kung mapasakaan ba og kasong inciting to sedition si kanhi Ilocos Sur Governor Chavit Singson kinsa matud niya nagdasig sa mga batan-on sa pagsalmot sa protesta.
Matod ni Castro, posibleng giawhag matud pa ni Singson ang mga batan-on nga moapil sa mga lihok protesta, ug gidasig usab niya ang mga ginikanan nga tugotan ang ilang mga anak nga makabarog alang sa rebolusyon batok sa korapsyon.
Dugang pa ni Castro nga gusto sa presidente nga patubagon ang tanang nalambigit sa bangis ug gubot nga mga lihok protesta sa pipila ka bahin sa Metro Manila nga nisangpot sa pagka-angol sa pipila ka mga kapulisan ug sibilyan.
Matud ni Acting PNP Chief Nartatez nga posibleng mapasakaan usab og kasong terorismo o kalapasan sa anti-terrorism act ang mga nagpaluyo sa bangis nga kagubot.
Photo courtesy to:vera files
