Nanawagan ang Poultry group United Broilers Raisers Association (UBRA) lakip ang mga medical experts ngadto sa publiko nga magbinantayon sa pagpamalit ug mga frozen poultry products diha sa kamerkadohan.
Matud ni UBRA chairman Elias Jose Inciong, kinahanglan nga ipailawom ang tanang mga imported nga mga karneng manok sa striktong laws and regulations lakip na sa laboratory testing aron masiguro ang kaluwasan sa publiko.
Giingon ni Inciong, mas taas ang risgo sa bacteria contamination sa mga frozen products ilabina sa packaging ug labelling gumikan duna kini mga kemikal aron malikayan ang pagkadaut sulod sa freezer.
Gisaysay sa mga Health authorities ang maong mga chemical magresulta sa pagpamula sa panit ug pagpanakit sa dughan ug palpitations.
Segun pa, dili maayung mamaligya ug mga frozen products ang tanang mga vendor nga walay freezer gumikan ang pagkatunaw sa mga produkto makahatag ug taas nga risgo sa salmonella.
Samtang panawagan sab ni UBRA Technical Committee Dr. Rolly dela Torre, kinahanglan lantawon sa publiko ang saktong pagpamaligya sa mga frozen products diha sa kamerkaduhan aron di mabutang sa risgo ang kahimtang sa panlawas.
Photo for illustration credits to:istock
