Dili mawala ang kabalaka sa lokal nga panggamhanan sa syudad sa Valencia labina sa City Disaster Risk Reduction Office human mipahibalo sa iyang findings sa fault line ang Philippine Institute of Volcanology and Seismology
Sumala pa ni CDRRMO Chief Jun Ray Valero sa pakighinabi sa Juander Radyo Malaybalay nga bag-ohay lang nagpagawas ug resulta sa ilang pagtuon ang PHIVOLCS nga naigo sa Volcanic fault line system ang barangay San Carlos partikularmente sa purok 3A , purok 2 ug dakong portion duol sa barangay hall.
Duha ka tuig na matud pa ang milabay human nagpahigayon sa makuting pakigsusi ang maong buhatan kabahin sa mga posibling Fault Line ilabina nga ang syudad anaa nahimutang sa usa ka aktibo nga bulkan nga mao ang Mt. Kalayo (Musuan Peak) ug Mt. Kalatungan sa Mt. Kitangland kung asa gilaoman ang posibilidad sa Magnitude 7 nga pagtag-oy sa linog.
Tungod niana nangandam karon ang barangay sa pagpapangulo ni Kapitan Mariza Labe pinaagi sa pagpakaylap sa kasayuran ug mga warning sa pagdili pagtukod ug mga balay palibot sa 5 meter danger zone areas
Kahibaloan nga ang fault line dili lang sa barangay San Carlos makaplagan kondili nagsubay usab kini sa First Fruit Academy Area sa diversion sa barangay Bagontaas, paingon sa purok -4 poblacion lahos sa direksyon paingon sa barangay Lumbo ug nahimutangan sa Mt. Kalayo (Musuan Peak) sa Dologon Maramag Bukidnon.
via: Mariza Labe
