Opisyal nga gibungkag ni Presidente Ramchandra Paudel ang parlamento sa Nepal ug nagtakda og bag-ong nasudnong eleksyon para sa Marso 5, 2026.
Ang desisyon nagsunod sa usa ka semana sa bangis nga kagubot nga misangpot sa eleksyon ug inagurasyon sa unang babaye nga Prime Minister sa nasud, si Sushila Karki.
Sa usa ka pahayag kaniadtong Biyernes, gipahibalo sa opisina ni Presidente Paudel ang pagtudlo ni Karki isip interim nga pangulo sa gobyerno. Si Karki, kanhi Chief Justice, gipili human sa seryosong mga protesta nga gipangulohan sa mga batan-on nga nailhang “Gen Z,” kinsa nagprotesta sa kaylap nga korapsyon sa gobyerno ni kanhi Prime Minister K.P. Sharma Oli
Tungod sa nagkagrabe nga tensyon sa nasud, miresulta sa pagkamatay sa labing menos 51 ka mga indibidwal ug pagkaangol sa labaw pa sa 1,300 ka ihap
Ang pagkatudlo ni Karki maoy resulta sa duha ka adlaw nga negosasyon tali ni Presidente Paudel, Army Chief Ashok Raj Sigdel, ug mga lider sa protesta aron mapugngan ang dugang nga kagubot.
Samtang, ang gobyerno sa India, ang habagatang silingan sa Nepal, nagpagula usa ka pahayag, naglaum nga ang mga panghitabo sa Nepal magdala sa kalinaw ug kalig-on sa rehiyon.
via: AFRICAN NEWS
