Nag-una ang mga micro, small and medium enterprises kon MSMEs sa pundasyon sa ekonomiya sa Pilipinas, nga naglangkob sa kapin sa 90 porsyento sa mga lokal nga negosyo.
Nagsilbi usab silang modelo nga backbone sa malampusong online trading sa Shopee, ang usa sa nag-unang platform sa e-commerce sa Southeast Asia, Taiwan ug Brazil.
Ubay-ubay ka mga MSMEs ang walay pisikal nga mga tindahan alang sa pagnegosyo og hingpit nga nagsalig sa pagkab-ot, kasayon ug katulin nga gitanyag sa Shopee alang sa pagdeliver sa ilang mga butang ug serbisyo.
Ang padayon nga pag-uswag sa e-retail nga plataporma niini nagsalig sa MSMEs, naghatag ang Shopee sa tanang suporta aron matabangan ang mga kasarangan nga negosyo dili lamang mabuhi apan molambo usab.
Subay niini, naglunsad ang plataporma sa e-commerce sa 2025 Tatak Pinoy MSME Training Roadshow, usa ka nasudnong inisyatiba aron matabangan ang daghang mga Pilipinong negosyante nga molampos online.
Sa ikalimang tuig, ang Tatak Pinoy milapad gikan sa usa ka yano nga selebrasyon sa mga Pilipino nga namaligya ug ilang mga produkto o serbisyo ngadto sa usa ka komprehensibo nga programa alang sa long-term MSME development.
Ang programa nagtinguha sa pagtabang sa gagmayng mga negosyo sa matag lebel sa pakiglambigit, bisan pa sa pag-adto sa tibuok kalibutan nga ilang pangandoy.
Pinaagi sa Tatak Pinoy International, gisuportahan sa Shopee ang dul-an sa 200,000 ka mga lokal nga tigbaligya ug nakapahimo sa pagbaligya sa kapin sa 22 ka milyon nga mga produkto nga hinimo sa Pilipino sa gawas sa nasud.
Photo courtesy:PIA Northern Mindanao
