Mipanaw na ang kanhi British boxer ug world champion nga si Ricky Hatton sa edad nga 46. Sumala sa tigpamaba sa Greater Manchester Police, nakadawat sila og tawag mahitungod sa usa ka lalaki nga wala nay kinabuhi sa iyang balay sa Hyde, Tameside.
Wala gisulti sa mga awtoridad ang hinungdan sa iyang kamatayon. Gitawag og “The Hitman” si Hatton, ug nakadaog siya og world titles sa light welterweight ug welterweight divisions. Nakig-away siya sa mga bantogang boksidor sama nila Floyd Mayweather Jr., Manny Pacquiao, ug Kostya Tszyu.
Niadtong 2007, gihatag ni Mayweather ang una niini nga pilde, nga nagtapos sa iyang 43 ka sunod-sunod nga kadaugan. Sa iyang pagretiro niadtong 2012, aduna siya’y record nga 45 ka daog ug tulo ka pilde.
Sa miaging mga tuig, giangkon niya ang iyang pagkalulong sa ilimnon, droga, ug depresyon. Nakatakda pa unta siyang mobalik sa ring karong Disyembre aron makig-away kang Eisa Al Dah sa Dubai.
Photo courtesy: Boxing News
