Nagtanyag ang Pag-IBIG Fund og espesyal nga 4.5 porsyento nga interest rate sa mga home loans nga moabot og P1.8 milyon.
Sa usa ka pahayag, miingon ang Home Development Mutual Fund nga ang espesyal nga interest rate anaa para sa mga first-time homebuyers nga mokita og ubos sa P47,856 matag buwan sa National Capital Region, ug ubos sa P34,686 matag buwan sa mga lugar gawas sa Metro Manila.
Ang mga Overseas Filipino Workers (OFWs), bisan unsa pa ang ilang kita, mahimo usab nga mag-apply, matud pa sa Pag-IBIG. Ang espesyal nga interest rate anaa alang sa unang 10,000 ka locally employed nga aplikante ug sa unang 1,000 ka OFW nga aplikante.
Si Pag-IBIG Fund chief executive officer Marilene Acosta miingon nga ang espesyal nga rate nagtugot sa mga miyembro nga makadaginot og halos P2,000 matag buwan, o mga P71,000 sulod sa unang tulo ka tuig sa P1.8 milyon nga loan nga bayran sulod sa 30 ka tuig. Ubos niini nga tanyag, ang binulan nga bayranan alang niini nga loan sa 4.5 porsyento nga promo rate anaa sa P9,120.34 lang, kon itandi sa P11,082.91 sa regular nga 6.25 porsyento nga interest rate.
Niadtong miaging buwan, naghatag usab ang Pag-IBIG sa mga residente nga nagpuyo sa ilang foreclosed properties og higayon nga mapalit ang ilang mga balay sa 10 porsyento nga discount.
Photo courtesy: Pag-IBIG Fund (HDMF)
