Gipahayag sa Department of Justice nga posibleng pasakahan og kaso ang mga nalambigit sa nagpadayong imbestigasyon sa anomalosong flood control projects.
Matud pa sa kasamtangang ang kalihim sa maong departamento nga si Secretary Jesus Crispin Remulla nagplano niining mopasaka og ‘plunder case’ batok sa mga opisyal sa gobyerno nga nalambigit sa maong isyu.
Dugang pa sa kalihim nga kon mogawas ang imbestigasyon ug adunay igo nga ebidensiya nga makuha, posibleng ila kining ipasaka lakip na ang ‘malversation’ sa public funds nga matod pa niya malakip usab.
Kini nunot sa iyang pamahayag nga ang National Bureau of Investigation adunay makitang ‘findings’ kalabot sa imbestigasyon nga may kalabotan sa mga kontrobersyal nga proyekto.
Matod niya nga naghatag na og findings ang bureau busa gilauman nga mapasaka na dayon ang kaso.
Sa laing bahin, si Justice Secretary Remulla niingon nga walay bag-ong report o impormasyon kalabot sa abogado nga niduol kaniya karong bag-o kalabot sa iyang kliyente nga lakip sa mga contractor nga giingong nagbarog isip ‘whistleblower’.
Samtang gipahibalo sa maong kalihim nga makaseguro sila nga ang ilang basehan mao ang mga ebidensiya nga nahipos atol sa imbestigasyon.
Gisiguro usab nila ngadto sa publiko nga nakig-alayon ang ilang buhatan sa nagkadaiyang ahensya sa gobyerno bahin sa imbestigasyon.
Photo courtesy to:dojnps.lms.ph
