Gipangunahan ni Presidente Ferdinand R. Marcos Jr. ang paghatag ug scholarship grants sa mga benepisyaryo sa Commission on Higher Education (CHED) pinaagi sa Unified Student Financial Assistance System for Tertiary Education (UniFAST).
Ang mga estudyante gikan sa nagkalain-laing institusyon sa higher education sa National Capital Region (NCR) nakadawat og educational grants.
Sa samang higayon, opisyal usab nga gilusad ang electronic Certification, Authentication, and Verification (e-CAV) system, nga nagtumong sa pagpadali ug pagpahapsay sa proseso sa dokumentasyon ug verification sa scholarship.
Matod pa ni Presidente Marcos, dili angay nga malangan ang edukasyon sa mga batan-on tungod lang sa kakabos.
Gipasiugda sa Presidente nga ang edukasyon mao ang labing hinungdanon nga kabilin sa iyang administrasyon.
Photo courtesy to:PTV news
