Wala mopirma si Senate President Vicente “Tito” Sotto III sa hangyo ni Senator Rodante Marcoleta, nga ibutang sa Witness Protection Program (WPP) sa Department of Justice (DOJ) ang mag-asawang Pacifico “Curlee” Discaya II ug Cezarah “Sarah” Discaya.
Unod sa sulat ni Sendor Rodante Marcoleta, kinsa nangulo sa Senate Blue Ribbon Committee nga nag-imbestiga sa anomaliya sa flood control project, nga duna pay daghang impormasyon ang ma-butyag sa mag-asawang Discaya.
Matod pa sa senador, tungod sa importansya sa ilang testimonya ug hulga sa kinabuhi sa mag-asawa, importante nga ibutang sila sa witness protection program.
Apan, matod ni Sotto, “dili makiangayon” sa mga Pilipino nga himuong state witness ang mag-asawa tungod sa kadaghan sa kwarta nga ilang nakuha gikan sa flood control project.
Nag-usab usab sab ang ilahang mga testimonya matag atubang nila sa hearing sa Senado ug sa House of Representatives.
Dugang pa sa Senate President, klaro nga namakak ang mag-asawa, hinungdan nga dili basta-basta maaprobahan ang ilang hangyo.
Photo courtesy: Senate of the Philippines
