Magpadala ang Pilipinas og lima ka mga representante isip kabahin sa ASEAN Observer Group aron mamonitor ang pagpatuman sa ceasefire subay sa tensiyonado nga utlanan tali sa Cambodia ug Thailand.
Matod ni Presidente Ferdinand Marcos Jr., andam ang nasud nga motabang aron masiguro ang malinawon nga resolusyon sa panagbangi sa duha ka miyembro sa ASEAN.
Giklaro sa presidente nga ang ASEAN dili motugot sa kaugalingong mga sakop nga magpadayon sa panag-away, busa ang pagmonitor ug pagpatuman sa ceasefire usa ka hiniusang lakang.
Ang presidente midugang nga ang pag-apil sa Pilipinas sa peace mission resulta sa iyang gihisgutan sa mga opisyal sa Cambodian atol sa iyang state visit karong bag-o.
Ang misyon sa observer group mao ang pagsiguro nga ang duha ka habig morespeto ug motuman sa mga kasabutan nga makab-ot alang sa kalinaw sa rehiyon.
Photo courtesy to:Thai newsroom
