IRO NAGUOL SA PAGKAMATAY SA IYANG AMO

Daghan ang mga netizens ang naluoy sa istorya sa usa ka pito ka tuig nga aspin nga si Mitchu, nga sobrang naguol human namatay ang iyang amo.

Gisaysay sa pamilya Sanchez nga sukad sa pagdungaw ug pagtutok ni Mitchu sa nawong sa namatay nga si Tatay Carlos niadtong Agosto 29, nagluya na ang iro ug halos dili na mokaon.

Matud pa sa taho, nagbantay si Mitchu sa iyang amo, hangtod kini nakabsan ug gilubong sa ilang tugkaran, pipila ka adlaw sa wala pa ang opisyal nga lubong ni Tatay Carlos karong adlawa Septiyembre 11.

Sumala sa beterinaryo, posible usab nga maigo sa separation anxiety ug depresyon ang mga binuhing iro kon biyaan sila sa ilang fur parents, nga mahimong hinungdan sa pagkawala sa kadasig ug gana niini nga maoy hinungdan sa ilang pagtaliwan.