Nasikop sa hiniusang pwersa sa kapulisan sa Tagum City uban ang laing mga unit, ang usa ka giilang High Value Individual atol sa buy-bust operation sa Barangay Magugpo Poblacion, Tagum City, alas 12:53 sa kadlawon, September 10, 2025.
Suspetsado giilang si alyas “BOSS”, 28 anyos, ulitawo, ug residente sa Purok Pagkakaisa, Misa District, Barangay Magugpo West, Tagum City. Napalitan kini sa poseur-buyer ug usa ka plastic sachet nga adunay sulod sa gituohang shabu gamit ang Php1,000 bill ug siyam ka piraso nga ginamit nga machine copies nga One-thousand peso bill isip boodle money.
Sa pagsusi, nakumpiska gikan sa suspek ang usa ka black coin purse nga naglakip ug tulo ka elongated sachets, upat ka rectangular sachets, ug usa ka ice-candy wrapper nga tanan adunay sulod nga gituohang shabu. Gibana-bana ang kantidad sa nakumpiskang droga nga mokabat sa P367,200.00 nga adunay gibug-aton nga 54 grams.
Anaa na sa kustodiya sa Tagum City Police Station ang suspek ug mag-atubang kini sa kasong paglapas sa Section 5, Article II sa RA 9165 o Comprehensive Dangerous Drugs Act of 2002.
Photo courtesy to:Tagum City Police Station
