Gihimakak sa aktres nga si Ellen Adarna nga bulag na sila sa iyang bana nga si Derek Ramsay. Kini human gikataho nga gi-unfollow na sa duha ang usag usa sa ilang Instagram accounts.
Samtang sa iyang social media account, gipakita niini ang screen recording pinaagi sa digital radio sa iyang kaugalingon nga nagpakita nga gisundan pa niini ang aktor.
Giklaro niini nga posibleng dunay problema sa iyang IG, hinungdan nga wala makita sa pipila ka followers ang pangalan sa aktor.
Kahinumdoman nga adunay mga report nga adunay panagbulag ug problema ang duha sa ilang relasyon sa dihang namatikdan sa fans nga gi-unfollow nila ang usag usa. Nanawagan ang aktres nga hunongon na ang pagkaylap sa fake news.
Photo courtesy to: PEP.ph
