Gibabagan ang mga French female boxer sa unang World Boxing Championships sa Liverpool tungod sa kapakyasan sa French Boxing Federation (FFBoxe) sa pagsumite sa genetic sex test nga gi-require sa World Boxing alang sa mga atleta nga labaw sa 18 anyos.
Matod sa FFBoxe, dili tugotan sa balaod sa France ang pagpahigayon sa maong test gawas kung adunay medical prescription. Ang federation miturn-over sa usa ka laboratoryo sa UK sa rekomendasyon sa World Boxing, apan na-delay ang resulta ug naapektuhan ang proseso.
Ang World Boxing miingon nga gipahimangnoan na ang tanang federations nga ang late nga resulta makapeligro sa entry sa kompetisyon. Giimposar niadtong Mayo ang mandatory genetic testing aron masiguro ang kaluwasan ug patas nga panagkompetensya. Apan alang sa FFBoxe ug sa mga atleta, kini nakapawagtang sa ilang higayon nga makigkompetensya.
Misangput usab ang kontrobersiya sa mas lawom nga debate bahin sa gender verification sa sports. Ang French Sports Minister Marie Barsacq nagpasalig nga mangayo siya og klarong tubag sa World Boxing, samtang ang Algerian boxer nga si Imane Khelif nag-apelar sa Court of Arbitration for Sport batok sa kaparehong palisiya.
SOURCE: GMA NETWORK
