Na paralyzed ang usa ka 19-anyos nga estudyante gikan sa nasud China. Giila ang maong batan-ong lalaki nga si Xiao Dong.
Kanunay siyang magduko gamit ang iyang cellphone ug samtang nagtrabaho isip usa ka dishwasher. Tungod niini, nasinati niya ang pagpaminhod sa iyang liog, bukton, ug bitiis hangtod nga dili na niya malihok ang iyang mga tiil.
Gidala dayon siya sa balay tambalanan diin nadiskubrehan ang dakong dugo sa iyang cervical spine, hinungdan sa halos hingpit nga pagkaparalisa gikan sa dughan paubos.
Matod sa mga doktor, ang dugay nga pagduko sa ulo maoy hinungdan nga nibuto ang nerve sa spinal canal.
Gipaubos siya sa emergency operation aron makuha ang dugo ug malikayan ang permanenteng paralisis. Sa karun, hinay-hinay na nga naulian si Xiao Dong ug gipaabot nga hingpit nang maayo.
Panawagan sa mga doktor nga likayan magduko og dugay arun malikayan ang kadaot ug batasanon ang pag-lihok lihok arun walay dugo nga maipit sa kaugatan.
Photo courtesy to:Physioderma
