Gihatagan sa Department of Trade and Industry (DTI) ang mga online sellers og lugway hangtod sa katapusan sa Setyembre 2025 aron marehistro ug mapasusi ang ilang mga produkto alang sa e-commerce Philippine Trustmark. Kini nga sertipikasyon nagsiguro nga luwas ug dekalidad ang mga produkto nga gibaligya online.
Matud ni Trade Secretary Maria Cristina Roque, tumong sa trustmark nga gabayan ang mga consumers kung unsang mga produkto ang maayo ang kalidad ug nakapasar sa safety checks sa DTI, subay sa Consumer Act of the Philippines.
Gibutyag usab ni Roque nga nakig-alayon na ang DTI sa mga e-commerce platforms aron dasigon ang mga online sellers nga magparehistro, labi na kay nakadawat ang ahensya og mga reklamo bahin sa substandard nga mga produkto nga nakalusot kuno sa online selling.
Ang trustmark nagtinguha nga masiguro ang kaluwasan sa mga mamalitay taliwala sa nagkalapad nga e-commerce industry sa nasud.
Photy courtesy: DTI Philippines
