Namahayag ang Malacañang nga ang Office of the Ombudsman ug ang Bureau of Internal Revenue (BIR) mahimong moapil sa lifestyle check sa mga opisyal ug empleyado sa Department of Public Works and Highways (DPWH).
Kini human nimando si Presidente Ferdinand Marcos Jr. sa mga opisyal sa DPWH nga ipaubos sa lifestyle check nunot sa kontrobersiya sa flood control projects.
Matod ni Palace Press Officer USec. Claire Castro, sa pagkakaron, ang mga ahensya na mismo ang manguna sa lifestyle check sa ilang mga opisyal ug empleyado.
Mipasalig ang Palasyo nga dunay mapasakaan og kaso ug manubag sa imbestigasyon sa mga flood control projects, tungod kay wala na malipay ug nasuko ang presidente sa mga anomaliya ug kurapsyon sa mga proyekto.
Base sa datus sa Presidential Communications Office (PCO), personal nga gisusi sa Presidente ang 11 ka mga proyekto sa Marikina, Iloilo, Bulacan ug Benguet pipila ka adlaw human madawat ang mga reklamo sa sumbongsapangulo.ph.
Sa pagkakaron kapin 9,020 ka mga report na ang nadawat sa Presidente nga reklamot kalabot sa flood control projects.
Giawhag usab sa gobyerno ang publiko nga mokooperar ug i-report ang mga kwestyonableng proyekto sa food control ngadto sa Presidente.
Photo courtesy to:WEKEMEDIA.ORG
