Masaligon si Filipino boxing icon ug kanhi senador Manny Pacquiao nga suportahan sa gobyerno ang selebrasyon sa ika-50 nga anibersaryo sa “Thrilla in Manila” karong Oktubre.
Personal nga gibisita ni Pacquiao si Presidente Ferdinand Marcos Jr. sa Malacañang ug gituki ang maong butang. Matud niya nga ang Presidente positibo ug nanghinaot nga magpadayon ang maong selebrasyon.
Kahinumduman nga dinhi sa Pilipinas, ang ikatulong away nila ni boxing legends Muhammad Ali ug Joe Frazier gipahigayon niadtong Oktubre 1, 1975 sa Araneta Coliseum diin ang naglingkod nga presidente mao si kanhi Pres. Ferdinand Marcos Sr.
Dugang pa ni Pacquiao nga giingnan siya sa Presidente nga nasaksihan niya ang pagbansay ni Muhammad Ali.
Photo Courtesy to: NEWS5
