Naka prebelihiyo sa pag welcome sa Consulate General of the Republic of Indonesia sa Davao City alang sa courtesy meeting ang Department of Trade and Industry (DTI) Davao del Norte Provincial Office.
Gipangulohan ang delegasyon ni Consul General Agus Tenggono, inubanan ni Consul for Economic Affairs Ms. Novita S.D. Supit, Secretary ug staff.
Atol sa maong panagtagbo, ang delegasyon sa Indonesia mipaambit sa mga mahinungdanong pagpasabot sa ilang Economic Diplomacy ug Trade/Investment Promotion updates.
Sa usa ka reciprocal nga diskusyon, si Ms. M Pilegro sa Development Management Office II sa local Economic Development and Investment Promotion Division sa PLGU Davao del Norte, nagpresentar og mga update sa mga oportunidad sa pamatigayon ug pamuhunan sa probinsya.
Nagpasabot lamang ang maong meeting sa usa ka promising nga lakang ngadto sa pagpalambo sa mas lig-on nga ekonomikanhong mga relasyon ug mutual nga pagtubo.
Nagpaabot usab ang buhatan sa dugang nga panag-uban nga makabenepisyo sa lokal nga mga negosyo ug komunidad.
