Gipahibalo sa Department of Agriculture (DA) nga magpagawas sila og gibanabana nga 1.2 milyon ka sako o 100,000 metric tons nga lokal nga bugas karong semanaha pinaagi sa auction. Kini nga lakang, kabahin sa pagtuman sa direktiba ni President Ferdinand Marcos Jr. aron masiguro ang igo nga suplay ug aron mabarato ang presyo sa bugas sa tibuok nasud.
Target sa inisyatibo nga maluagan ang mga bodega og makasulod ang bag-ong ani sa mga mag-uuma ug masiguro ang padayon nga pagdagan sa suplay. Ang presyo sa bugas gibanabana nga magsugod sa ₱25 hangtod ₱28 matag kilo, depende sa kadugayon sa produkto.
Gilauman usab nga makatabang ang pagpagawas sa maong suplay sa programa sa administrasyon nga “Benteng Bigas Meron Na,” nga nagpunting sa pagbantay ug pagmintinar sa presyo sa merkado.
Photo credit to Department of Agriculture
