Mokabat sa 76 ka tawo ang namatay human nabangga ang usa ka pampasaherong bus ug nasunog sa probinsiya sa Herat sa kasadpang Afghanistan.
Base sa imbestigasyon, nawad-an og kontrol ang driver sa bus samtang nagbiyahe sa highway gawas sa Herat City hinungdan nga nabangga sa poste daplin sa dalan kung asa tungod sa kakusog sa impact, niulbo dayon ang kalayo ug naugdaw ang tibuok sakyanan.
Ang bus gikan sa lungsod sa Islam Qala, duol sa utlanan sa Iran, ug padulong unta sa Kabul, Gituohang ang trahedya may kalabutan sa nagpadayon nga mass deportation sa undocumented Afghan migrants gikan sa Iran.
Nagpadayon ang retrieval operations sa lugar nga nahitaboan, samtang gisusi usab sa mga awtoridad ang posibilidad sa mechanical failure o kakuwang sa maintenance isip usa sa mga hinungdan sa aksidente.
Ang mga international humanitarian groups nagpadayag karon sa ilang mga pahasubo ug nanawagan alang sa usaka mas luwas ug mas sistematikong proseso alang sa pagbalik sa mga Afghan refugee taliwala sa nagkagrabe nga krisis sa rehiyon.
via: Reuters
