Posible na nga ang pagpanganak nga dili na kinahanglanon ang usa ka inahan, tungod kay gitun-an karon sa mga Chinese researchers ang paggamit og advance nga artipisyal nga sabakan, nga makamugna og simulated umbilical cord, nutrient circulation, ug protective amniotic fluid.
Gilauman nga ang maong teknolohiya ipagawas sa 2026 uban sa kantidad nga moabot og $14,000, gitan-aw nga makausab sa paagi sa fertility treatment, surrogacy, ug lakip na ang population planning.
Posible kini mahimong dakong tabang sa mga magtiayon nga adunay kalisod sa pagmugnag anak ug mahimong mohatag bag-ong direksyon sa reproductive healthcare, apan, ang maong inobasyon nagdala usab og dagkong isyu sa etika.
Bisan pa sa mga kontrobersiya, ang proyekto gilauman nga mahimong dakong lakang sa medikal nga inobasyon ug nagsugod na sa global nga panag-istoryahanay kabahin sa unsaon pag-usab sa siyensya ug teknolohiya ang kahulugan sa kinabuhi sa tawo.
via: Techtimes
