Gipahibalo ni Presidente Ferdinand R. Marcos Jr., ang mga plano alang sa pagtukod og mas modernong mga fish port aron makamugna og dugang kahigayonan sa gibanabana nga 2.2 milyones ka mananagat sa nasod.
Atol sa inagurasyon sa gi-rehabilitate nga Iloilo Fish Port Complex sa Iloilo City niadtong Miyerkules, ang Presidente niingon nga 10 ka modernong fish port ang tukoron sa nagkalain-laing rehiyon.
Gihatagan ug gibug-aton sa Hepe Ehekutibo ang kamahinungdanon sa pagbaton ug saktong imprastraktura sa pantalan sa isda alang sa episyente nga pagdumala ug pag-apod-apod sa mga isda nga makuha direkta ngadto sa merkado, ug alang sa dugang nga kita sa mga mangingisda.
Ang Presidente naglaom nga ang Iloilo Fish Port Complex, nga sa pagkakaron nag-alagad sa mga 1,500 ka mangingisda, makadani ug dugang negosyo ingon man turismo nga kinahanglan aron palapadan pa ang pasilidad.
Source: PCO
