Nasunog ang usa ka oil depot sa Sochi, Russia human kini giatake sa usa ka drone gikan sa Ukraine.
Sumala sa taho ni Sochi regional Governor Veniamin Kondratyev, kapin sa 120 ka mga bombero ang gitawag aron tubagon ang dakong sunog nga mibuto human naigo ang depot.
Usa ka dako nga fuel tank, nga adunay sulod nga 2,000 cubic meters nga gasolina, ang mibuto.
Dugang pa sa taho, gipahibalo sa Russian defense forces nga ilang napabagsak ang 93 ka drones gikan sa Ukraine. Lakip niini ang usa ka drone sa Krasnodar region ug 60 pa nga gipanglabay sa daplin sa Black Sea.
Nagpadayon ang init nga tensyon tali sa duha ka nasud, samtang nagkadaghan ang mga drone attacks ug retaliatory strikes.
Source: Jovino Galang
