Gisugdan na sa Department of Defense sa nasod ang pagtangtang sa mga loudspeaker sa militar sa South Korea nga nahimutang ubay sa Demilitarized Zone (DMZ) sa utlanan sa North Korea.
Sumala pa nga tumong sa mga loudspeaker aron adunay magamit sa pagpatugtog ug kusog nga musika ug pagsibya sa mga balita bahin sa gawas sa kalibutan, isip kabahin sa kampanya sa nasud sa paghatag og impormasyon batok sa hugot nga pagkontrola sa media sa gobyerno ni Kim Jong Un.
Kini nga lakang gikataho nga gimando ni South Korean President Lee Jae-Myung aron mahupay ang tensyon tali sa duha ka nasud.
Bisan matud pa nga hugot nga gipanghimakak sa North Korea ang bisan unsang kontak sa bag-ong presidente sa South Korea.
Kahibaloang si Kim Yo Jong, ang igsoon ni Kim Jong Un, mibutyag nga wala silay interes sa bisan unsang polisiya o sugyot gikan sa Seoul ug gipasiugda nga ang inter-Korean nga relasyon permanente ug dili na mabalik.
Gipasalig sa militar sa South Korea nga ang pagtangtang sa mga loudspeaker dili makaapekto sa ilang pagpangandam sa seguridad.
Source: Shreyas Reddy
