Gilauman ang pagsaka sa kaso sa leptospirosis usa o duha ka semana human ang mga pagbaha.
Hinungdan nga mismong si DOH Sec. Ted Herbosa ang nagsiguro sa mga stocks nga tambal ug padayon nga medical services sa mga health centers ug ospital sa mga lugar nga sagad ginabaha.
Subay kini sa mandato sa presidente nga sayung pangandaman ang mga sakit nga mamahimong epekto sa ulan ug baha.
Sa Smokey Mountain Health Center, nagsugod nag-abot ang mga pasyenteng nahumol sa baha aron matan-aw sa doktor kung kinahanglang moinom og doxycycline.
Samtang tulo na ang admitted nga pasyenteng dunay leptospirosis sa DOH-Tondo Medical Center.
Matud kang Sec. Herbosa kinahanglan magpatan-aw sa health center sa higayon nga mahumol sa baha aron malantaw ang pasyente kung kinahanglan moinom og tambal. Libre lamang kining ginahatag sa mga health centers.
Samtang ang mga grabeng kaso usab ginaadmit sa hospital aron mapugngan ang komplikasyon.
source:mfsa.govmu.org
