Mokabat sa 131,392 ka mga konsumidor sa Manila Electric Cooperative (Meralco) ang nakasinati og pagkawala sa kuryente tungod sa epekto sa lapad nga pagbaha ug pagbunok sa ulan sa Metro Manila.
Base sa situation report nga gipagawas sa Department of Energy niadtong Hulyo 22, dako nga porsiyento sa apektadong mga konsumidor gikan sa Metro Manila, nga moabot sa 78,322.
Gisundan kini sa Cavite nga adunay 23,489 ka konsumidor ug Bulacan nga adunay 23,203 ka konsumidor. Sugod sa alas 10 sa gabii. Niadtong Hulyo 21, 2025, nagsugod na usab ang power company sa pag-de-energize o temporaryo nga pagputol sa suplay sa kuryente sa mga lugar nga grabeng naapektuhan sa pagbaha.
Kini aron mapanalipdan ang kaluwasan o seguridad sa mga konsumidor. Sa tibuok Pilipinas, niabot na sa 152,647 ang kinatibuk-ang ihap sa mga konsumidor sa kuryente.
Sa laing bahin, duha ka electric cooperatives sa Cordillera Administrative Region ang gimonitor sa DOE tungod sa partial power interruptions. Ubay-ubay nga mga lungsod ang apektado apan ang pagpahiuli sa kuryente gitakda alang sa kapin sa 1,500 ka mga konsumidor nga apektado.
Samtang, ang suplay sa mga produktong petrolyo nagpabiling lig-on ug igo sa tibuok Pilipinas samtang ang bulk downstream nga mga pasilidad sa lana ug gas padayong naglihok sa tibuok nga kapasidad.
ctto:wazzuppilipinas.com/victor llantino
