DIGOS CITY- Patay on the spot ang drayber sa motorsiklo human giingong nibangga sa usa ka pedicab sa crossing Tuban Sta. Cruz, Davao del Sur, Hulyo 15, 2025.
Sumala ni Roberto Escarpe, usa ka traffic enforcer sa Sta. Cruz TMU nga wala naghelmet ug walay lisensya ang batan-ong lalaki nga nagmaneho sa Skygo nga kolor asul nga motorsiklo.
Gituohang kusog ang dagan niini ug wala na niya makontrol ang manibela human kalit usab nga nag U-turn ang pedicab nga gimaneho ni alyas “Ricardo”.
Tungod sa kusog nga impact, dead on the spot ang driver sa motorsiklo nga parehong residente sa Barangay Tuban, samtang ang tulo ka pasahero sa pedicab gidala sa Davao del Sur Provincial Hospital.
Sa pagpanubay sa Juander Radyo News Team, nasayran nga namatay usab ang pasahero sa pedicab nga nailhan sa alyas “Adela” ug gituohang usa na ka senior citizen.
Gidala sa Sta. Cruz Police Station ang pedicab driver, samtang padayon pa ang imbestigasyon sa mga otoridad aron musuta ang tibuok detalye sa insidente.
