Giisip sa Russia nga seryoso ang pamahayag ni US President Donald Trump nga ilang ipahamtang ang taas nga taripa ug silot.
Sumala sa tigpamaba sa Kremlin nga si Dmitry Peskov, wala nila gipakaubos ang kini nga pahayag ni Trump ug sa baylo kinahanglan nila ang oras sa pagtubag.
Ang Presidente sa Russia nga si Vladimir Putin gikataho nga nagtuon pa sa butang sa wala pa maghatag bisan unsang komento bahin niini.
Una nang niingon si Trump nga dunay 50 ka adlaw ang Russia sa pagtubag sa ilang gisugyot nga ceasefire deal sa Ukraine ug kon mobalibad sila, 100 porsiyento ang ilang ipahamtang nga taripa. Maapektuhan usab ang mga nasud nga namalit og lana sa Russia.
Gipahibawo ni North Atlantic Treaty Organization (NATO) Secretary General Mark Rutte nga apektado ang Brazil, China, ug India tungod kay sa Russia sila nagkuha og suplay sa petrolyo.
