𝗟𝗔𝗟𝗔𝗞𝗜 𝗦𝗔 𝗝𝗔𝗣𝗔𝗡 𝗚𝗜𝗗𝗔𝗞𝗢𝗣 𝗛𝗨𝗠𝗔𝗡 𝗡𝗔𝗡𝗚𝗟𝗔𝗕𝗔 𝗢𝗚 𝗨𝗡𝗗𝗘𝗥𝗪𝗘𝗔𝗥 𝗦𝗔 𝗦𝗜𝗟𝗜𝗡𝗚𝗔𝗡

Gidakop ang usa ka 50-anyos nga lalaki sa Shizuoka Prefecture human siya misulod sa apartment sa silingan aron labhan ang bra ug panty.

Ang insidente nahitabo sa usa ka apartment building sa Hamamatsu. Ang wala hinganli nga 28-anyos nga biktima  mibiya kadali  sa iyang apartment aron mopalit og pagkaon. Nakalimot siya sa pag-lock sa pultahan sa apartment hinundan nga daling nakasulod ang suspek.

Gitumbok sa suspek ang bra ug panty sa biktima, apan dili aron kawaton kon dili aron labhan. Sa pagbalik sa biktima sa iyang apartment, nasurprisa siya nga nalabhan na ug nagbitay na ang iyang underwear.

Gilayon nga gireport sa biktima ngadto sa kapulisan ang insidente og nadakpan ang suspek.

Ang suspek gipasakaan og kasong trespassing. Gisuta pa ang motibo nganong gilabhan sa suspek ang ang mga underwear sa iyang silingan.