Misaka niadtong buwan sa Abril 2025, ang Foreign Direct Investments (FDI) nga misulod sa Pilipinas sumala sa Bangko Sentral ng Pilipinas (BSP), nga nakatala sa pinaka taas nga lebel sulod sa tulo ka bulan. Sumala sa BSP, niabot kini sa $610 milyon ang net FDI inflows sa Abril, mas taas sa $498 milyon sa Marso ug $570 milyon sa Abril 2024.
Kini usab ang labing taas sukad sa Enero ning tuiga, nga adunay $731 milyon. Ang pag-uswag tungod sa dakong utang, nga misaka sa 24.3% ($522 milyon), ug reinvestment nga kita misaka sa 3.3% ($84 milyon). Samtang, ang net nga mga pamuhunan sa equity capital (walay labot ang reinvested earnings) nahulog 94.1% ngadto sa $4 milyon gikan sa $86 milyon sa miaging tuig.
Ang mga equity placement sa Abril gikan sa Japan (32%), U.S. (18%), Singapore ug South Korea (13% matag usa), ug Taiwan (9%). Kadaghanan niini miadto sa manufacturing (47%), finance ug insurance (16%), ug real estate (16%).
Sa kinatibuk-an, ang year-to-date nga FDI inflows gikan sa Enero hangtod Abril nagkantidad ug $2.371 bilyon – mikunhod 33.4% gikan sa $3.560 bilyon sa parehas nga panahon sa 2024.
