Mokabat sa siyam ka mga indibidwal ang patay human nahugno ang usa ka tulay sa India. Ang insidente nahitabo sa Vadodara district, Guijarat state sa Western India.
Matud sa Health Minister nga si Rushikesh Patel, daghan nga mga sakyanan ang nag-agi sa nahisgutang naguba nga tulay. Ubay-ubay nga mga indibidwal ang nangahulog sa suba, diin dali gilayon silang giluwas sa mirespondeng mga awtoridad.
Giingong tungod sa pipila ka adlaw nga pagbunok sa ulan, ang hinungdan sa pagkahugno niini, ang maong tulay Β gitukod sukad pa niadtong 1985.
Ang Punong Ministro sa India nga si Narendra Modi nagpaabot sa iyang pahasubo sa mga biktima ug nanawagan alang sa usa ka bug-os nga imbestigasyon sa pagkahugno sa maong tulay.
