MALAYBALAY CITY- Nakapauli na sa ilang pamilya nga luwas ang tulo ka mga menor-de-edad nga giingong na-missing human nanglakaw nga walay pananghid sa ilang ginikanan niadtong nakalabay nga adlaw,didto sa Barangay Kulasihan Lantapan Bukidnon.
Giila ang mga batan-on nga sila si alyas Lea 13 anyos, Eve 12 anyos, ug Jem 12 anyos, pulos nagpuyo sa nahisgutang lugar. Subay sa pakighinabi sa Juander Radyo Malaybalay, ngadto sa magulang ni alyas Lea gibutyag niini nga nakit-an kini didto sa Barangay Cugman,Cagayan de Oro City.
Kahibaloan nga una nang nakahatag ug tumang kabalaka sa ilang pamilya, ang maong tulo ka batan-on sa pagpangita kanila dihang milayas sa rason nga adunay katagbo nga ka-chat niini didto Cagayan de Oro City.
Sa pagkakaron ang mga nasangpit nga menor de edad gitakda kining ipailawom sa counselling.
