VALENCIA CITY-Β Nagpasidaan karon sa publiko ang Philippine Statistics Authority (PSA) Bukidnon batok sa mga indibidwal nga mobisita sa mga panimalay didto syudad sa Valencia kansang bakak nangangkon nga mga personahe sa maong buhatan.
Sumala pa, kini nga mga indibidwal nagpahibalo sa matag panimalay nga ilang masak-an nga Β sila random nga gipili pinaagi sa usa ka PSA raffle ug nangayog personal nga impormasyon sa tanang myembro sa panimalay, lakip na ang mga ngalan, edad, adlaw nga natawhan, civil status, ug bisan ang Body Mass Index (BMI).
Giklaro sa PSA nga wala sila magtanyag ug bisan unsang raffles ug walay mga programa nga naglakip sa mga pagbisita sa kabalayan alang sa mga papremyo pinaagi sa raffle.
Ang PSA field activities sama sa survey, censuses, ug National ID registration gipahigayon pinaagi sa hugot nga koordinasyon sa mga local government units pinaagi sa mga Barangay Officials ingon man ang tanang mga empleyado sa PSA ug mga personahe niini nagsul-ob ug opisyal nga identipikasyon.
Busa giawhag ang tanan kung makasugat ug bisan unsang kadudahang mga indibidwal nga nag-angkon nga gikan sa PSA, palihug ayaw paghatag sa bisan unsang personal nga impormasyon, ug i-report dayon ang insidente sa inyong Barangay Office o direktang kontaka ang PSA Bukidnon sa official mobile number 0965 376 2937 o pinaagi sa email sa [email protected].
