Gilunsad karong Nobyembre 12, 2026, ang People’s Caravan ug Job Fair 2026 sa gymnasium sa Dakbayan sa Surigao, nga nagdala sa nagkadaiyang serbisyo sa gobyerno ngadto sa katawhan ubos sa temang “Serbisyong Dala ug Paglaum.”
Gitambongan ug gisalmutan kini sa nagkadaiyang ahensya sa gobyerno, nga gipangulohan sa Department of Labor and Employment (DOLE), kauban ang Pag-IBIG Fund, Social Security System (SSS), ug PhilHealth, nga naghatag og impormasyon ug serbisyo alang sa kaayohan sa mga lumulupyo.
Apil usab sa maong kalihokan ang Philippine National Police (PNP), Bureau of Fire Protection (BFP), Philippine Coast Guard (PCG), ug mga representante gikan sa mining companies nga nagpakita sa ilang suporta pinaagi sa paghatag og impormasyon sa mga oportunidad sa trabaho ug uban pang serbisyo alang sa publiko.
Gipaluyohan sa Lokal nga Kagamhanan sa Dakbayan sa Surigao, ubos sa pagpangulo ni Mayor Paul Dumlao II, ang maong programa nga nagtumong sa pagpalig-on sa serbisyo publiko, paghatag og oportunidad sa panginabuhian, ug pagdala sa tabang sa gobyerno nga mas duol ug mas dali maabot sa matag Surigaonon.
