Temporaryong gidili sulod sa tulo ka bulan ang pagpangisda og tamban gamit ang pipila ka gitakdang fishing gear nga nailhan usab isip Fisheries Management Area 9 (FMA-9). Kini ang maong pagpatuman sa BFAR Caraga ang Closed Season kabahin sa mga lakang sa pagpanalipod ug pagdumala sa mga kadagatan, subay sa Fisheries Administrative Order (FAO) No. 278.
Tumong niini nga hatagan og higayon ang tamban nga makapadaghan ug makapadayon sa ilang natural nga pagpasanay, aron mapreserbar ang populasyon niini ug masiguro ang malungtarong pangisdaan. Gipasiugda usab nga ang maong lakang dili lamang alang sa pagpanalipod sa kadagatan, kondili alang usab sa pagseguro sa panginabuhi sa mga mananagat sa umaabot.
Busa, giawhag ang tanang hingtungdang sektor, ilabina ang mga manananagat nga mosunod sa mga regulasyon sa pagpangisda ug motabang sa pagpanalipod sa atong kadagatan. Dugang pa nga panalipdan ang isdang tamban aron masiguro ang mas lig-on ug malungtarong pangisdaan sa umaabot.
Photo courtesy: BFAR Caraga
