Nakumpiska ang mokabat sa 16 ka loose firearms ngadto sa kapulisan, samtang usa ka indibidwal ang nadakpan atol sa gipahigayong Regionwide Simultaneous Anti-Criminality and Law Enforcement Operations (SACLEO) sa Surigao del Norte.
Gikasa sa Surigao del Norte Police Provincial Office (SDNPPO), resulta kini sa 16 ka operasyon nga gipahigayon sa nagkadaiyang Municipal Police Stations ug sa 2nd Surigao del Norte Provincial Mobile Force Company isip kabahin sa kampanya batok sa mga armas nga walay tukmang rehistro ug lisensya.
Sa opisyal nga report, lakip sa mga armas nga narekober ang usa ka revolver ug usa ka semi-automatic pistol nga gideposito. Samtang, 11 ka revolver ug duha ka semi-automatic pistol ang boluntaryong gitugyan sa ilang mga tag-iya.
Dugang niini, usa ka semi-automatic pistol ang nasakmit gikan sa usa ka indibidwal nga nadakpan atol sa operasyon. Gipadayag ni Provincial Director PCOL WARREN E. DABLO ang mga pulis nga miapil sa operasyon tungod sa ilang paningkamot sa pagpatuman sa balaod ug sa pagdawat sa mga armas nga boluntaryong gitugyan ngadto sa estasyon sa kapulisan.
Padayon usab ang panawagan sa kapulisan sa publiko nga boluntaryong itugyan ang mga armas nga walay rehistro o lisensya isip suporta sa kampanya alang sa mas malinawon ug luwas nga komunidad.
Photo courtesy: SDNPPO
