Nagtingkagol na sa selda sa Pangantucan Municipal Police Station ang usa ka Street Level Individual nga giilang alyas “Nonoy,” 42-anyos, samtang gihan-ay ang kasong paglapas sa Sections 5 ug 11 sa Republic Act 9165 (Comprehensive Dangerous Drugs Act of 2002) nga ipasaka batok kaniya sa korte.
Kini human siya masikop sa hiniusang buy-bust operation sa Pangantucan Municipal Police Station, Bukidnon 2nd PMFC, 1004th Maneuver Company RMFB10, ug Bukidnon Provincial Intelligence Unit didto sa Memorable Village, Barangay Poblacion, Pangantucan niaging Nobyembre 07, 2026
Nakuha gikan sa posisyon sa suspek ang gibanabana nga 33.16 gramos sa gidudahang shabu nga nagkantidad og ₱225,488.00 base sa Standard Drug Price (SDP).
Sa karon gitugyan na sa Bukidnon Provincial Forensic Unit ang mga nakumpiskang ebidensya alang sa qualitative and quantitative examination.
Photo courtesy: Pangantucan Municipal Police Station
