Magasidlak ang kalangitan sang Sultan Kudarat sa pagpatigayon sang Kalimudan National Pyromusical Competition 2026, nga magadala sang makakulunyag nga fireworks display nga ginasabay sa musika.
Kabahin ini sang Kalimudan Festival 2026 nga nagatinguha nga maghatag sang world-class nga pasundayag sa mga Kudarateño kag bisita halin sa nagkalain-lain nga lugar.
Sa kompetisyon, pagatampukan ang pipila sa mga nagapanguna nga pyrotechnic exhibitors sa pungsod, nga magapakita sang ila talento pinaagi sa makakulunyag nga mga fireworks display nga tugma sa nagkalain-lain nga musika.
Pinaagi sa sini nga aktibidad, ginapaabot nga mangin mas madinalag-on ang selebrasyon sang Kalimudan Festival, samtang ginapabakod ang turismo kag ginapakita ang potensyal sang Sultan Kudarat bilang destinasyon para sa dagku nga mga kultural kag pangturismo nga aktibidad.
Ang kompetisyon nagahatag sang oportunidad sa mga residente kag bisita nga maeksperyensyahan ang isa ka talalupangdon nga Pyromusical Show sa probinsya sang Sultan Kudarat.
Photo courtesy: Gov. Datu Pax Ali S. Mangudadatu
