Nasikop sa kapulisan ang usa ka 55 anyos nga construction worker nga wanted sa kaso nga frustrated murder atol sa operasyon sa Sitio Lilian, Barangay Bulihan, Famy, Laguna, alas 7:44 sa gabii niadtong Oktubre 26, 2026.
Ang dinakpan, nga giila sa alyas Oca, residente sa Barangay Palampas, San Carlos City, Negros Occidental, gidakop sa tracker team sa San Carlos City Component Police Station pinaagi sa warrant of arrest nga gipagawas sa Regional Trial Court Branch 57 sa San Carlos City niadtong Disyembre 20, 2016.
Nagrekomendar ang korte og ₱200,000 nga piyansa alang sa iyang temporaryong kagawasan.
Sa pagkakaron, anaa siya sa kustodiya sa Famy Municipal Police Station samtang gihikay ang iyang pagbalhin ngadto sa San Carlos City alang sa hustong disposisyon sa kaso.
Photo courtesy: San Carlos CCPS
