Gisusi sa City Tourism Office ug mga hingtungdang opisina ang kaluwasan sa mga karnabal ug amusement facilities sa Trade Fair sa San Carlos City isip pagpangandam sa ika-34 nga Pintaflores Festival niadtong nakalabay nga adlaw.
Gisiguro sa inspeksiyon nga mosunod sa mga sumbanan sa kaluwasan ang mga karnabal ug nasusi ang posibleng peligro sa dili pa kini ablihan sa publiko.
Tumong niini nga mapanalipdan ang mga residente ug bisita aron luwas nilang mapahimuslan ang mga atraksyon sa Trade Fair atol sa pista.
Photo courtesy: San Carlos City, Neg. Occ. -LGU Information Page
