Nagpasanyog sang edukasyon kag pagpalambo sang pangabuhian ang Sultan Kudarat State University ukon SKSU kag ang Office of the Presidential Adviser on Peace, Reconciliation, and Unity ukon OPAPRU piaagi sa ila partnership para sa implementasyon sang 2026 PAMANA Educational Assistance Program.
Pinaagi sa programa, 5,100 ka napamatud-an nga benepisyaryo, lakip ang mga decommissioned combatants kag ila ginakilala nga mga himata, ang tinutuyo nga makabenepisyo sa educational assistance kag skills training.
Sakop sang programa ang Sultan Kudarat, North Cotabato, Sarangani, South Cotabato, General Santos City, Cotabato City, pipila ka lugar sa Davao Region, kag iban pa nga lugar sa sulod kag gawas sang Bangsamoro Autonomous Region in Muslim Mindanao.
Sa pagpanguna ni SKSU President Atty. Cyrus E. Torreña, DPA, MNSA, ang unibersidad ang mangin responsable sa implementasyon sang programa halin Marso 2026 tubtob Disyembre 2027.
Photo courtesy: Sultan Kudarat State University
