Mainiton nga gi-welcome sa Sangguniang Bayan ang mga officials ug staff sa Sangguniang Bayan ng Sindangan, Zamboanga del Norte, alang sa usa ka Benchmarking Activity nga nagtumong sa pagkat-on sa digital legislative practices sa SB Ipil, lakip ang Paperless Sessions, Livestreaming of Proceedings, ug QR Code Access.
Pinaagi niini nga mga pamaagi, gipakita sa SB Ipil kung giunsa paggamit ang teknolohiya aron mapadali ang pagdumala sa mga dokumento, mas sayon nga ma-access ang impormasyon, ug mas maablihan sa publiko ang proseso sa paghimo og mga ordinansa ug resolusyon.
Ang paggamit sa digital documents makatabang sa pagminus sa papel ug gasto sa pag-imprinta, samtang ang livestreaming sa mga session gapakita ug transparensiya sa atong katwahan kung unsa ang mga mahisgutan sa kada SB session.
Kini nga Benchmarking Activity usa ka two-way knowledge sharing, pagpaambit sa kahibalo ug kasinatian, diin dili lamang ang SB Sindangan ang nakakat-on gikan sa SB Ipil, kundili adunay usab nakat-unan gikan kanila.
Pinaagi sa pagkat-on gikan sa usag usa, mas mapalig-on ang paggamit sa teknolohiya sa lokal nga lehislasyon ug ang paghatag ug mas transparent, hapsay, ug accessible nga serbisyo publiko.
