Padayon nga ginapabugal kag ginahatagan importansya sang Lokal nga Panguluhan sang Isulan, Sultan Kudarat, ang kontribusyon sang mga Senior Citizen pinaagi sa ikatatlo nga hugna sang cash gift distribution nga ginpatigayon sang Oktubre 14, 2026, sa OSCA Conference Room.
Mga senior citizen nga naga-edad sang 80 tubtob 99 anyos ang nakabaton sang pinansyal nga bulig bilang pagpasidungog sa ila kabuhi, eksperyensya, kag daku nga kontribusyon sa komunidad.
Ginpangunahan ni Mayor Bai Rihan Sakaluran ang programa, kaupod ang Municipal Social Welfare and Development Office, mga representante sang centenarian sector, kag National Commission of Senior Citizens.
Suno sa lokal nga panguluhan, padayon nga ipatuman ang mga programa nga may tinutuyo sa pag-atipan sang kaayuhan kag dignidad sang mga lolo kag lola sa banwa sang Isulan.
Photo courtesy: Municipality of Isulan- Bagong Isulan
