Gipahigayon sa Davao Light and Power Company ang usa ka panagtapok ug Power 101 session alang sa mga dinapit nga mga miyembro sa media gikan sa nagkadaiyang news outfit sa lain-laing probinsya sa rehiyon onse, Biyernes, Oktubre 2, 2026 sa Davao Light Tipaz Office. Kauban si Judy Sanchez, Gov’t. Relations Officer sa North Davao General Office ug Committee Relations Officer Sherilyn Puno Lariosa.
Tumong sa kalihokan ang pagpalig-on sa relasyon tali sa Davao Light ug media practitioners, pagpaambit og impormasyon kabahin sa serbisyo ug operasyon sa kompanya, lakip ang mga regulasyon ug mga hagit sa sektor sa enerhiya.
Gimugna usab ang maong panagtigom aron mas mapalawman pa ang kahibalo ug pagsabot sa mga mamamahayag kalabot sa mga isyu ug kalibog kabahin sa elektrisidad sa probinsya sa Davao del Norte aron mahatagan og saktong tubag ang publiko mahitungod sa kasamtangan sitwasyon pinaagi sa responsible, patas ug tinuod nga impormasyon sa katawhang konsumante.
