Mokabat na sa 39 ka insidente sa grass fire ang naitala sa rehiyon sa Caraga tungod sa epekto sa El Niño, base sa datos sa National Disaster Risk Reduction and Management Council (NDRRMC).
Sa maong ihap, 37 ka insidente ang gi-report sa Dinagat Islands, samtang tulo ang natala sa Agusan del Sur. Gawas niini, upat ka siyudad o lungsod sa rehiyon ang kasamtangang walay regular nga suplay sa tubig tungod sa grabeng hulaw.
Base sa datos sa NDRRMC, kapin 96,000 ka pamilya o katumbas sa kapin 353,000 ka indibidwal ang naapektuhan sa grabeng hulaw sa tibuok nasud. Lakip sa mga rehiyong naapektuhan ang Region 2, CALABARZON, Region 5 ug Caraga.
Samtang, mokabat na sa 91 ka siyudad ug lungsod ang nagdeklarar og state of calamity tungod sa epekto sa El Niño. Padayon ang pag-atubang sa mga apektadong lugar sa mga hagit nga dala sa grabeng hulaw, lakip na ang kakulang sa tubig ug ang pagtaas sa risgo sa grass fire ug sunog sa kalasangan.
Photo courtesy: Dinagat Islands’ Provincial DRRM Council
