Nasikop sa kapulisan ang usa ka 36-anyos nga lalaki nga apil sa Top 10 Regional Most Wanted Person sa operasyon niadtong Septiyembre 28, 2026 sa General Santos City.
Ang pagdakop gipahigayon sa mga personnel sa 1201st Maneuver Company, RMFB 12, ubos sa pagpanguna ni PMAJ Crispolo C. Baba Jr. ug sa pagdumala ni PCOL Samuel T. Cadungon.
Ang suspek nadakpan pinaagi sa warrant of arrest tungod sa kasong statutory rape ubos sa Article 266-A sa Revised Penal Code, nga gi-amendar sa RA 8353 ug RA 11648.
Samtang walay girekomendaran nga piyansa ang maong kaso. Nakigtambayayong sa operasyon ang mga personnel sa Police Station 7 sa General Santos City Police Office.
Gigamit usab sa kapulisan ang Alternative Recording Device o ARD sa pagdokumento, samtang gipahibalo sa suspek ang iyang mga katungod ubos sa Miranda Doctrine.
Human sa pagdakop, gitugyan ang supek sa kustodiya sa Police Station 7 ug magpabilin didto samtang gihulat ang tukmang Commitment Order gikan sa korte.
